Barzanî û Brett McGurk behsa rewşa Sûriyê û Rojavayê Kurdistanê kirin
Îro Serok Barzanî li Pîrmama Hewlêrê pêşwazî li nûnerê serokê Amerîka di şerê DAIŞê de, Brett McGurk û şanda pê re kir.
Li gorî malpera fermî ya Barzanî, di civînê de behsa rewşa Sûriyê û pêşhatên dawî hat kirin. Şanda mêvan behsa rewşa dawî ya şerê DAIŞê li Sûriyê ji Barzanî re kir û agahî da wî.
Li gorî nûçeya malperê, Barzanî nîgeraniya xwe li hember rewşa gelê kurd li Sûriyê nîşan da û şîret û pêşniyarên xwe bo nehîştina metirsiyên li ser gelê kurd û çareserkirina arîşeyan anî ziman.
Hat gotin ku Barzanî û şanda Amerîkî behsa rewşa Iraqê, pêkanîna hikûmeta nû ya Iraqê û pêwendiyên Hewlêr û Bexdayê û serdana vê dawiyê ya Barzanî bo Bexdayê û serdana wezîrê enerjiya Amerîka bo Herêma Kurdistanê jî kirine.
Basnews
