Serok Barzanî: Rojnameya Xebat di bergirîkirina destkeftên neteweyî de roleke xwe ya pêşengane heye
Serok Mesûd Barzanî bi boneya 63 saliya Rojnameya Xebat, peyameke pîrozbahiyê arasteyî rojnameyê kir.
Peyama Serok Barzanî wiha ye:
Bi navê Xwedayê mezin û dilovan
Birêzan, sernivîskar û rojnamevan û karmendên Rojnameya Xebat
Bi helkefta bîranîna şêst û sê saliya bi eşkere derçûna Rojnameya Xebat germtirîn pîrozbahiyên xwe pêşkêşî we yên ezîz dikim û hêviya berdewamî û pêşketinê ji bo we dixwazim.
Di dîroka tevgera rizgarîxwaz a Kurdistanê de, Rojnameya Xebat her dem mînbereke resen a gihandina peyama rasteqîne û aştîxwaziya gelê me bûye û heta niha jî ev rojname di bergirîkirina destkeftên neteweyî û niştimaniyan de roleke xwe ya pêşengane heye û pîşeyiyane pêgirê yasa û karê rojnamevaniyê bûye.
Rojnameya Xebat di rêza pêş de ye û herdem rastgoyane li ser bilind kirina asta hişyariya neteweyî û pêkvejiyanê kar kiriye.
Di salvegera bi eşkere derçûna Rojnameya Xebat de, ez destxweşiyê li we dikim û hêviya serkeftinê ji bo we dixwazim.
Mesûd Barzanî
04.04.2022
