Serokê Herêma Kurdistanê Nêçîrvan Barzanî bi helkefta hatina meha Remezanê peyamek belav kir û got, “bila em meha pîroz ya Remezanê bikin hêvênê bihevrebûn, biratî û lêborînê.”

Serokê Herêma Kurdistanê di peyama xwe de “meha Remezana pîroz li tevaya misilmanan li Kurdistan, Iraq û cîhanê” pîroz dike.

Nêçîrvan Barzanî hêviya xwe derbire, “ev meha pîroz xêr, xweşî û bexteweriyê bi xwe ra bîne û aştî û seqamgîrî perên xwe bi ser mirovatiyê da bikêşe.”

Her di peyama xwe de Nêçîrvan Barzanî dibêje, “Da em hemû bi hev re wate û waneyên birojûbûn û meha pîroz ya Remezanê, bikin hêvênê bihevrebûn, biratî, lêborîn û zêdetir bicihkirina buhayên mirovahî û aştbûnê.”

Peyama Serokê Herêma Kurdistanê Nêçîrvan Barzanî:

"Hatina meha Remezana pîroz li tevaya misilmanan li Kurdistan, Iraq û cîhanê pîroz dikim. Ez hêvîdar im ku ev meha pîroz xêr, xweşî û bexteweriyê bi xwe ra bîne û aştî û seqamgîrî perên xwe bi ser mirovatiyê da bikêşe.

Da em hemû bi hev re wate û waneyên birojûbûn û meha pîroz ya Remezanê, bikin hêvênê bihevrabûn, biratî, lêborîn û zêdetir bicihkirina buhayên mirovahî û aştbûnê. Xwedaperistî û rojûyên hemûyan qebûl bin û Xwedayê mezin hemû aliyan biparêze."

 

Rudaw