Piştî Newroza Diyarbekirê, ji aliyê hêzên ewlekariya Diyarbekir ve 333 kes hatine binçavkirin û 73 kesên ku hatine binçavkirin zarok in û ji van zarokan jî 42 zarok bo malbatên wan hatine radestkirin û 31 zarok hîn binçav de ne.

Li gorî çavkaniyên fermî di dema pîrozbahiya Newroza Diyarbekir de û piştî pîrozbahiyê bi tevahî 333 welatî ji aliyê hêzên Ewlekariya Diyarbekir ve hatine binçavkirin û ji van jî 73 zarok in.

Ji zarokên ku hatine binçavkirin jî 42 zarok hatine berdan û bo malbatên wan hatine radestkirin û 31 zarok hîn jî binçav de ne.

Ji 260 kesên ku li beşa dijeterorê tên girtin 224 kes hatine berdan û 36 kes hîn jî di binçav de ne.

Navenda Mafên Zarokan a Baroya Diyarbekir derbarê binçavkirina zarokan de amaje kir ku divê demildest zarok werin berdan û binçavkirina zarokan a ji ber beşdariya şahiya Newrozê li dijî hiquqê ye û hat amajekirin ku “mafê lihevcivîna aştiyane” jî hatiye binpêkirin.

 

K24