Li navçeya Mezmaxor a Dîlokê di navbera sûriyeyî û welatiyên Tirkiyê de ji ber dengê bilind şer derket, di encama şer de 2 kes hatin kuştin û 5 jî birîndar bûn. Herwiha kesekî dema direve jî ji aliyê polîsan vet e kuştin.



Li gor nûçeya Haberturkê li taxa Gumuştekin a navçeya Mezmaxorê li çayxaneyê di navbera Mustafa Okan ê 46 salî û hemwelatiyekî sûriyeyî de ji ber dengê bilind nîqaş derket.



Piştî nîqaşê di navbera wan de pevçûn derket û kurê Mustafa Okan û çend hemwelatiyên sûriyeyî jî tevlî şer bûn.



Di şerê ku kêr û çek hatîn bikaranîn de li cihê bûyerê Mustafa Okan kurê wî Cengiz Okan mirin û 5 kes jî birîndar bû.



Herwiha welatiyekî Sûriyê ku tevlî bûyerî bibû dema direve ji aliyê polîsên Tirkiyê ve hat kuştin.



Her 5 birîndarên sûriyeyî bo dermankirinê bi ambulansan veguhestin Nexweşxaneya Lêkolîn û Perwerde ya Dr. Ersin Arslan.

Rudaw