Li Sine girtiyekî kurd di bin îşkencê de hat kuştin
Li bajarê Sine yê Rojhilatê Kurdistanê girtiyekî kurd di girtîgehê de bi lêdan û îşkencê hat kuştin.
Malpera mafên mirov ya Hengaw ragehandiye, pêr girtiyekî kurd bi navê Xesro Cemalî (24 salî) di girtîgeha bajarê Sine de bi lêdan û îşkencê hat kuştin.
Li gorî agahiyan, Xesro Cemalî 3 salê berê bi tohmeta kuştina 2 kesan hatibû girtin û bi qîsasê (îdam) hatibû mehkûmkirin û çend roj bûn biribûn pişka qarantînê ya girtîgehê.
Endamekî malbata wî gotiye, berpirsên girtîgehê ji wan re gotine Xesro derman xwariye û bi xwe, xwe kuştiye!
Li gorî agahiyan, termê wî girtiyê kurd bi bin tedbîrên tund yên ewlehiyê de hatiye veşartin.
Basnews
