Li parêzgeha Qersê ya Bakurê Kurdistanê di demsala payîzê de berf bariya û ligel dîmenên xweşik hişt ku şofêr rûbirûyî zehmetiyan bibin.

Li Qersê ku zêdeyî 2 rojan e baran dibare, şeva borî 6ê Cotmeha 2021ê berf bariya û li ser rêya di navbera Qers û Îdirê de ji ber berfê şofêran zehmetî kişandin.

Hejmarek şofêr ji ber ti amadekariyên wan bo berfê nebûn otomobîlên xwe li kêleka rê rawestandin û çaverê kirin heta makîneyên kar rê paqij bikin.

Piştî makîneyên kar ên Rêveberiya Rê û Cadeyan a Qersê rê paqij kirin rewş asayî bû û şofêrên rawestiyabûn bi rêya xwe de çûn.

Li herêma Hanlar Geçidî ya ser rêya Qers û Îdirê jî barîna berfê berdewam e.

Li gelek parêzgehên Tirkiye û Bakurê Kurdistanê di destpêka demsala payîzê de pileya germahiyê ji nişka ve daket û berf bariya.

 

Rudaw