Berdevkê Kremlinê dibêje, di civîna Putîn-Erdogan de rewşa Idlibê jî hat gotûbêjkirin û tekez kir, “Divê ew rêkeftina bo derxistina terorîstan ji Idlibê hatiye kirin, bê cîbicîkirin. Nabe terorîstek jî li Idlibê bimîne.”

Serokomarê Tirkiyê Recep Tayyip Erdogan 29ê Îlona 2021an serdana Rûsyayê kir û li bajarê Soçiyê ligel Serokê Rûsyayê Vladimir Putîn civiya. Ev  piştî  18 mehan yekemîn civîna rûbirû bû di navbera herdu serokan de.

Yek ji mijarên sereke yên di navbera serokên Rûsya û Tikiyê de  bi giştî mijara Sûriyê û bi taybetî  jî Idlib bû. Serokkomarê Tirkiyê Recep  Tayip  Erdogan dema vegeriya Tirkiyê di balafirê de, bersiva pirsên rojnamevanan da. Erogan derbarê rewşa Idlibê de dibêje: ”Me bi hevre ligel Putîn tekezî li ser wê kiriye ku divê em di vî warî de pêngavan biavêjin û çareseriyekî mayinde û demdirêj bidestvebînin.” 

Recep Tayip Erdogan, Serokkomarê Tirkiyê, dibêje, “Me bi hev re ligel Putîn tekezî li ser wê kiriye ku divê em di vî warî de pêngavan biavêjin û çareseriyekî mayinde û demdirêj bidestvebînin.” 

Serokkomarê Tirkiyê hûrgiliyên zêdetir di vî warî nedan û berdevkê Putîn jî roja Pêncşemê  30ê Îlona 2021an di daxuyaniyekî de amaje bi wê da ku divê  ew rêkeftina ku di salên derbasbûyî  derbarê Idlibê hatiye îmzekirin bê cîbibicîkirin.

Dmîtrî Peskov, Berdevkê Koşka Serokayetiya Rûsya (Kremlin) dibêje: “Ew rêkeftina di  salên derbasbûyî de  hatiye îmzekirin girîng e ku bê cîbicîkirin. Bi taybetî  “ew a ku taybet e bi derxistina terorîstan ji Idlibê” ” 

Dmitri Peskov, Berdevkê Koşka Serokayetiya Rûsya, dibêje, “Ew rêkeftina di salên derbasbûyî de hatiye îmzekirin girîng e ku bê cîbicîkirin. Bi taybetî “ew a ku taybet e bi derxistina terorîstan ji Idlibê.” 

Lê Peskov jî amaje bi wê neda ku eger ew a ku Moskow dixwaze neyê cîbicîkirin dê bordûmana artêşa welatê wî bo ser grûpên çekdar yên nêzîkî Tirkiyê ku  li wê navçeya Sûriyê ne berdewam bin yan na.

Serokkomarê Tirkiyê  derbarê hûrguliyên wê serdana li gel Serokê Rûsya  civîna çapemeniyê saz nekir û hûrgiliyên zêde bi raya giştî re parvenkirin.  Ev yek jî  ji aliyê beşeke opozîsyona wî welatî ve tê rexnekirin. Serokê Partiya Pêşerojê Ahmet Davutoglu dibêje pêwîst e Erdogan derbarê wê civînê de raya giştî agahdar bike.

Ahmed  Davutoglu, Serokê Partiya Pêşerojê, dibêje, “Birêz Erdogan di daxuyaniya xwe ya yek alî de tabloyeke gelek ciwan xêz dike. dibêje dê Tirkiye mijara Sûriyê  ligel Rûsyayê bi hevre çareser bike, lê birêz Putîn çi dibêje, dibêje hevdîtinên me yên ligel Erdogan her demekî bê pirsgirêk derbas nabin. Ev tê wê wateyê ku di hindir de pirsgirêkek derketine.  Eger berovajî vê yekê  be, bila Erdogan girtenameyên civînê bi raya giştî re parvebike yan jî kurteya naveroka wan bibêje û gelê me qanih bike.”  

Ev cîvîn di demekî de ye ku dema çend heftiyan e Rûsya boordûmanên xwe li bakur rojavayê Sûriyê zêde kirine; roja yekşemê 26ê Îlona 2021an firokeyên şer  yên Rûsya li navçeyên nêzîkî bajarê Efrînê yê Rojvayê Kurdistanê êrîşeke hewayî pêkanî û di encam de 11 çekdarên hêzeke opozîsyona Sûriyê yên nêzîkî Tirkiyê hatin kuştin.