Hat ragihandin ku li Qamişlo ya Rojavayê Kurdistanê nêzî 70 serbazên Fransî ku rêya xwe şaş kiribûn li xaleke kontrolê ya rejîma Sûriyê hatin desteserkirin û piştre ew hêz bi xebata hêzên kurdî ji destê rejîmê hat xilaskirin.

Li gor agahiyên hatine bidestxistin karwanekî serbazî yê Fransayê ku ji 20 wesayîtan û nêzî 70 serbazan pêk dihat û dixwast derbasî herêma Dêra Zorê bibe, li Qamişlo bi şaşî ketin xaleke kontrolê ya leşkerên rejîma Sûriyê.

Hat diyarkirin ku ew serbazên Fransî ji aliyê rejîma Sûriyê ve hatin desteserkirin û di derbarê wan de lêpirsîn hat destpêkirin. Piştî desteserkirina wan serbazan ji aliyê rejîma Sûriyê, hêzên YPG ketin navberê û di encama xebat û gotûbêjan de ew serbazên Fransî ji destê rejîma Sûriyê hatin derxistin û ew karwan ber bi navenda Qamişlo ve ket ser rêya xwe.

Di van heyamên dawîn de xebatên hêzên Fransî li Rojavayê Kurdistanê zêde bûne û hejmara binke û serbazên Fransî jî her tê zêdekirin.

Basnews