Fermangeha Medya û Zanyarî ya Hikûmeta Herêma Kurdistanê ragihand; heta niha 911 hezar û 320 welatiyên Herêma Kurdistanê, her du dozên vaksînê wergirtine û 950 hezar û 418 welatiyên din jî navên xwe ji bo wergirtina vaksînê tomar kirine.

Wezareta Tendirustiyê ya Herêma Kurdistanê jî eşkere kir; piraniya welatiyan vaskîna Pfizer a Amerîkî bi kar anîne, tê çaverêkirin ku rêjeya bikaranîna vaksînê bilind bibe.

Li gor amarên herî dawî yên Koronayê yên li Herêma Kurdistanê, ku Wezareta Tendirustiyê belav kiriye, heta niha 5 hezar û 764 kesan li Herêma Kurdistanê ji ber bandora vîrusa Koronayê canê xwe ji dest dane.

Herwiha heta niha 323 hezar û 712 kes jî bi vîrusa Koronayê ketine û 289 hezar û 700 kes jî ji vê nexweşiyê rizgar bûne, ku rêjeyeke bilind e û pêwendiya wê bi bilindbûna asta vaksînê heye.