Li gor belgeya ku di torên civakî de hatiye belav kirin û li gor tê îdia kirin ji aliyê encûmena fuzella ya Hewza Ilmî ya Necefê derxistiye dengdana rêvebera YNKê ya endamtiya wê hatî cemidandin Ala Talabanî û hejmarek rêveberên din ên Iraqê dengdana wan wek heram hatiye pênase kirin.

Di belgeya mijara gotinê de hatiye destnîşan kirin ku: ‘’Piştî ku me pirs ji merciyên şîe kir, daxwazên gelê Iraqê me danî berdestê wan, ku navên gendelkaran diyar bikin, wan jî bersiv da û gotin: ‘’Eger fetwaya me destkarî li ser bê kirin çi çêdibe eger em navê gendelkaran jî aşkera bikin.’’

Berî naha merciya bilind a şîeyan li Necefê Elî Sîstanî derbarê helbijartinên 12.05.2018ê ragehandibû: ‘’Yên hatine ceribandin careke din nayên ceribandin.’’ Ev jî bibû sedem ku rêveberên piştî azadiya Iraqê heta naha li desthilatiyê ne, şiroweyên cuda cuda ji bo wan gotinan bikin û xwe dervey vê gotinê bigrin.

Herwaha amaje bi vê yekê jî hatiye kirin ku, ji bo gelê Iraqê yê herî baş helbijêrin û gendelkaran dûr bixin, wan nava ne hatine diyar kirin ku ‘’Heram e deng ji wan re bê dayîn.’’

Li gor wê lîsteya ku navê 50 rêveber û parlamenteran têde ye û careke din bûne namzed dengdana ji wan re hatiye heram kirin. Di nav wan navan de Heyder Ebadî, Nûrî Malikî, Selîm Cibûrî, Eyad Elawî û Ala Talabanî jî heye.

Basnews