dibêje destkeftiyên heyî beşekin ji encamên şoreşa Îlonê.
Di 60mîn salvegera destpê kirina şoreşa Îlonê de peyamek weşand.

Serok Barzanî bi minasebeta 60 saliya destpê kirina şoreşa Îlonê peyamek bo raya giştî weşand ku ev jî naveroka peyamê ye;

Bi navê xwedayê mezin û dilovan

Şoreşa mezin ya Îlonê bi Rêberatiya cenabê Barzaniyê Nemir mezintirîn şoreşa siyasî, çekdarî û seranseriya gelê Kurdistanê bû bo bidest anîna mafên neteweyî yên gelê Kurdistanê. Şoreşa Îlonê îrade û bawer bi xwebûn bo mirovê Kurd vegerand û bû bingeheke bi hêz ya siyasî û fikrî û cemawerî ya xebata rizgarîxwaziya gelê Kurdistanê li dijî sîtem û dagîrkeriyê.

Şoreşa Îlonê şoreşeke resen û xwemaliya Kurdistanê bû ku têda hemû çînên civaka Kurdistanî li netewe û olên cûda, li hemû navçeyên Kurdistanê bi hevre palpiştiya hêzên Pêşmergeyên Kurdistanê bûn û ji bo yek armanca pîroz xebatê kirin. Her ev jî bû sedema wê yekê ku serwerî û dîrok û destkeftên mezin ji bo gelê Kurdistanê bê tomar kirin û li ser asta navçeyê û cîhanê deng veda

Tevahiya  ew destkeft û têkoşîn û geşbûna siyasiya li Kurdistanê da pêkhat dirêjahiya qurbanîdan û têkoşîna gelê me ya li şoreşa Îlonê de bûn. Ji bo wê yekê wane û bihayên wê şoreşa mezin divê ji bo me hemûyan bi bilindî bimîne û bibe ronahiya rêya me ya paşerojê.

Di bîranîna 60 saliya hilpêkirina şoreşa Eylûlê da, rêz û pêzanînên min ji bo wan hemû qehreman û xebatkar û kedkaran heye ku li şoreşa Eylûlê da rola wan hebû û qurbaniyê dan, çi ewên li nav me da nemane û ewên ku hê jî li jiyanê da mane.

Di vê bîranîna pîroz da hezaran silav li giyanê pakê şehîdên şoreşa Eylûl û hemû şehîdên rêya azadiyê.

Mesûd Barzanî

11.09.2021