Banka Cîhanî di rapora xwe ya herî dawiyê de destnîşan kiriye ku cografyaya Herêma Kurdistanê xwedî ciheke stratejîk e, eger baş bê bikaranîn dikare bibe navendeke girîng a bazirganiyê.



Di rapora herî dawî ya Banka Cîhanê de hate gotin ku bi serastkirina yasayên derbarê bazirganî û hilberanînê de Herêma Kurdistanê dikare ji cografya xwe sûdeke baş werbigire.



Li gorî heman raporî ji ber nebûna yasayên guncav ên derbarê bazirganiyê de pirsgirêka herî mezin e li pêşketina peywendiyên bazirganî di navbera Herêma Kurdistanê û welatên cîran wek Tirkiye û Îranê de.



Banka Cîhanî dibêje ji bo ku Herêma Kurdistanê bibe navendeke baş a bazirganiyê pêwîst e, peywendiyên xwe yên ligel ragihandin, zanyarî û teknolijiyê bihêz bike.



Îranê gava herî girîng avêt



Ji aliyê din ve Îranê ji bo pêşxistina tekîliyên aborî û bazirganî ligel Herêma Kurdistanê gaveke girîng avêt û di vê çarçoveyê de roja çarşemê 2ê Gulana 2018an, Konferansa Pêşvebirina Peywendiyên Aborî yên navbera Herêma Kurdistanê û Komara Îslamî ya Îranê bi beşdariya Serokwezîr Nêçîrvan Barzanî û çendîn rayedarên payebilind û wezîrên Kurdistan, Iraq û Îranê li Hewlêrê hat sazkirin.



Berpirsê Herêma Kurdistanê li Odeya Bazirganiya Hevbeş a Îran û Iraqê Yûsif Bapirî ji Rûdawê re ragihand: “Em dixwazin wek Îranê bibin şirikê bazara Herêma Kurdistanê. Çimkî em di warê hilberînê û bazirganiyê navnetewî de xweî ezmûn in. Em dikarin di vê mijarê de şirikatiya xwe ligel Herêma Kurdistanê pêşbixin.”



Berpirsên îranî yên beşdarî Konferansa Pêşvebirina Peywendiyên Aborî yên navbera Herêma Kurdistanê û Komara Îslamî ya Îranê bibûn amaje bi wê yekê kirin ku ligel pêşxistina peywendiyên aborî û bazirganî dikarin di warê pîşesazî û hilberînê de jî gavên girîng bavêjin.



Herêma Kurdistanê ji bo Îran xwe bigihîne Derya Spî û Tirkiyê jî xwe bigihîne Kendavê cihekî stratejîk e. Ev jeopolîtikayê Herêma Kurdistanê ji bo wê bike navendeke bazirganiyê sûdele girîng e.

Rudaw