Serokomarê Îranê Îbrahîm Reîsî Enisye Xezelî wek cîgirê serokomarê Îranê yê karûbarê jinan destnîşan kir.

Enisye Xezelî keça Ayetulla Xezelî ye ku yek ji mela û kesayeta mezhebî ya Îranê ye ku şeş sal berî naha koça dawî kir. herwaha xwîşka wê Kubra Xezelî jî seroka encûmena ferhengî û civakî ya jinan û malbatê ye li encûmena bilind a şoreşa ferhengî ya Îranê de.

Enisye Xezelî dayîkbûya sala 1964ê ya bajarê Qum e û xwediya bawernameya doktora ya ziman û wêjeyê erebî ye û heta naha sê xwandinên olî li beşa jinan li navendên olî yên Qum temam kirine.

Herwaha Xezelî berî naha jî seroka zankoya El Zehre û endama lijneya zanistiya zankoyê bû.

Di kabîneya berî naha ya Hesen Ruhanî de jî du jinên bi navên Şehîduxt Mewlawêrdî û Mesûme Îbtikar erkê cîgirê serokomar ê karûbarên jinan wergirtibûn.

Heta naha di 13 kabîneyên Îranê de ti jinekê peywira wezîrtiyê jê re nehatiye dayîn.

 

Basnews