Serkirdeyê di Heşda Şeibî de Hadî Amêrî daxwaza peydakirina jîngeheke guncaw ji bo vegera çalakvanên berê xwe dane Herêma Kurdistanê dike.

Serkirdeyê di Heşda Şeibî de û Serokê Hevpeymaniya Fetih Hadî Amêrî di hevdîtinekê bi kenaleke Iraqî re ragihand, divê jîngeheke guncaw were amadekirin, ji bo çalakvanên ku ji tirsa revandin û kuştinê reviyane Herêma Kurdistanê, vegerin cih û warên xwe.

Herwiha Amêrî daxwaza parastina canê çalakvan û xwepêşanderan kir û got: “Xwepêşandanên aştiyane, mafekî destûrî ye.”

Ji dema destpêkirina xwepêşandan li parêzgehên Iraqê di meha Cotmeha 2019an ve, zêdetir ji 70 çalakvanan rastî kuştin û hewlên kuştinê ji aliyê mîlîşyayan ve hatin û bi dehan çalakvan jî ji bo demekê hatin revandin.

Di heyama du salên borî de, bi dehan çalakvanên Bexda, Besra û parêzgehên din ên Iraqê ji tirsa revandin û kuştinê, berê xwe dane Herêma Kurdistanê.

 

K24