Artêşa Tirkiyê bendava Şehbayê topbaran kir
Artêşa Tirkiyê gundê Simûqa û bendava Şehbayê li Rojavayê Kurdistanê topbaran kirin.
Di çend rojên dawîn de Tirkiyê û çekdarên opozisyona Sûrî yên girêdayî wê êrişên li dijî herêmên Rojavayê Kurdistanê zêdetir kirine.
Medyaya nêzîkî Rêveberiya Xweser a Rojavayê Kurdistanê belav kir ku Artêşa Tirkiyê bi doşka û çekên cor bi cor gundên Semûqa û bendava Şehbayê li navçeya Şehbayê armanc kirin, lê ti zanyarî derbarê ziyanên wê de belav nekirine.
Şeva borî gundê Suxankê li nahiyeya Şêrawa ya Efrînê jî hat topbarankirin.
