Roja(16.03.2016) 28 sal bi ser karesata kîmiyabarana bajarê Helebce ya ezîz li ser destê rijêma Basa şoven derbas dibin. Helebce sembola mezlomî û qurbanîdana gelê me ye ku, bi dirêjahiya dîrokê ji bona azadî û serferaziyê dane, ew, hevdem, hêmaya xweragirî û îradeya man û xweseteka geklê kurd e ji bo jiyan, binyatdanan û pêşkeftinê. Helebce wê rastiyê diselmîne ku, tu çek, hêz û pilanên dijmin û neyaran nikarin bi ser îradeya mana gelê kurd yê aşitîxwz û jiyandost de zal bin.

Di rewşekê de em vê minasibetê bi bîr tînin ku, Pêşmergeyên mêrxasên Kurdistanê bi moraleke polayîn li hember hovtirîn êrîşên terorîstên şerxwaz de bergiriyê ji hebûn û îradeya me ya ji bo jiyan, pêkvejiyan, azadî û buhayên mirovatiyê dikin.

Tevî hemû kar û xizmetên hikûmeta Herêma Kurdistanê ji bo Helebce, birîndarên kîmiyabaranê û xelkê welatparazê bajêr kirine, hêşta ev wîlayeta ezîz hêjayî xizmetên zêdetir û pirojeyên binyatdanana înfrastruktura û zêdetir avadankirinê ye û ev yek weke prensîp di pilanên hikûmeta Herêma Kurdistanê de heye.

Avadan, geş û pêşkeftî be wîlayeta Helebce ya ezîz. Silav ji bo canê paqijê şehîdên Helebce û tev şehîdên Kurdistanê.

Civata wezîrên Herêma Kurdistanê
16.03.2016