Namzedê HDPê yê Amedê Idrîs Balûken ragihand, HDP di hilbijartinên vê carê de dê zêdetirî %15ê dengan bi dest bîne.

Îro li Tirkiye û Bakurê Kurdistanê hilbijartinên giştî dest pê kir. Li bajarê Amedê jî ku dengdan ji saet 07:00 ve dest pê kiriye, didome.

Namzedê HDPê yê Amedê Idrîs Balûken, piştî ku dengê xwe avêt sindoqê, ji rojnamevanan re axivî û bersiva pirsên wan da.

Balûken diyar kir ku hilbijartina îro hilbijartineke dîrokî ye û got, heta niha li Amedê dengdan di rewşek baş de pêşve diçe li navçeyên Baxlar û Sûrê, hêzên ewlehiyê astengiyê li pêşiya welatiyan derdixin û nahêlin dengên xwe bidin.

Idrîs Balûken da zanîn ku wan bi belge ew binpêkirin tomar kirine û dê radestî rayedarên Komîsyona Hilbijartinan bikin.

Li ser rêjeya dengên HDPê jî Balûken got, li gorî rapirsiyên ku me kirine dengên HDPê dê derdora %15.5 be.

Rudaw