Bi minasibeta roja mamosteyên Kurdistanê, em gerimtirîn pîrozbahiyan li tev mamosteyên Kurdistanê dikin ku, hertim û di hemû dem û qonaxên cuda de hilgirên meşxela zanist û pêşkeftinê bûn û fêrker û perwerdkarên nifş li peyê nifş yên gelê me ne.
Mamosteyên dilsoz û birêzên Kurdistanê

Dilsozî, xemxorî û xizmeta we ya mezin ji bo gel û niştiman, li pişt wê pîroziya bi nav û pîşeya we bexşiye ye û hertim cîyê we yê diyar û taybet di nav civakê de heye.

Hikûmeta herêma Kurdistanê bi çavê qedir û qîmetê li xweragirî û mitewaziya we yên dilsoz di vê rewşa nexwestek de ku çend kirîzên êkonomî û aborî rastî herêma me hatine û tesîr li ser jiyan û jiyara hemûyan kiriye. Berdewamiya we li ser xizmetkirinê li holên xwendinê û amadebûna we li ber textereşê xwendingehan, weke amadebûna pêşmergeyên mêrxas li bereyên şeref û serferaziyê ye û li cem gelê me cîyê qedirgirtineke mezine û me heretim ew hewlestê disozane ji we çaverê dikin ku hêjayî nav û pîşeya we ye.

Hikûmeta herêma Kurdistanê dabînkirina mafê û daxwazên we û tev hevwelatiyên Kurdistanê bi wezîfeya xwe ya sereke dizane û tevî dijwariya rewşa heye, berdewam di xema bicîanîna vê wezîfê û berpirsiyariyê ye û dê berdewam jî be.

Careke din bi germî pîrozbahiyê li we dikin û me gelek qedir û qîmet ji bo dilsozî û xemxoriya we heye di warê pêgehandin û perwerdekirina neviyên me ku çira û hêviya paşeroja gel û niştiman in.

Civata wezîrên Kurdistanê
06.10.201