Serok Barzanî pêşwaziya Balyozê Amerîka li Iraqê kir
Li hevdîtinê de Balyozê Amerîka li Iraqê pîrozbahiya serkeftinên vê dawiyê ya hêzên Pêşmergeyên Kurdistanê li mîhwerên Kerkûk li Serok Barzanî kir û serxweşiyê jî li kesukarê şehîdên vê operasyonê kir û hêviya başbûnê ji bo birîndaran xwest. Her wiha asta hemahengî û hevkariya di navbera hêzên hevpeymanan û hêzên Pêşmerge bi mînak wesif kir û spasî Serok Barzanî jî kir ku piştevanêkî serekî ya hevpeymanan bûye li şerê dijî terorîstên Da'îş. Li beşekî dinê vê hevdîtinê de Balyozê Amerîka li Iraqê Serok Barzanî li helwest û stratejiyên dawî ya welatê xwe yê li navçeyê û li ser pirsên niha agahdar kir.
Her li vê civînê de pêdiviyên serbaziyên hêzên Pêşmerge û rewşa meydanî ya bereyên rûbirûbûna terorîstên Da'îş li Iraq û Sûriye û çawayiya ji navbirina terorê guftûgo kir û di derbarê pêşketinê dawî yên siyasiyên navçeyê û her wiha êrîşên asmaniyên Rûsya de danustandina bîr û ramanan kirin û Serok Barzanî eve jî dûpat kir ku pêwîste hemû aliyan de şerê Da'îş bê kirin û terorîstên Da'îş li Sûriye û Iraq û navçeyê li rayên xwe ve bê derxistin. Serok Barzanî hebûna komdengiya dewletî li ser ji navbirina Da'îş bi pêwîst zanî û eve jî xisterû ku divê hemû welat hemû cûre nakokiyek deynin aliyekî û terkîz li ser ji navbirina Da'îşê bikin ji ber ku hereşeye li ser hemû aliyek.
Peywendiyên di navbera Herêma Kurdistanê û Hikûmeta Iraqa Federal mijareke dinê vê kombûnê bû.
