Emîndarê Giştî yê Wezareta Pêşmerge Cebar Yawer ragehand ku ji destpêka şerê DAIŞ’ê heta niha çarenivîsa 52 Pêşmergeyan ne diyare.

Piştî binkeftina li başûr û rojavayê Kerkûkê, şeva borî rêxistina terorîstî ya DAIŞ’ê dîmenên şehîdkirina 8 Pêşmergeyan di torên civakî de belav kir.

Emîndarê Giştî yê Wezareta Pêşmerge Cebar Yawer ragehand ku ji destpêka tunekirina rêxistina terorîstî ya DAIŞ’ê de û di şer de heta niha 52 Pêşmerge wendane û çarenivîsa wan ne diyare.

Derbarê dîmenên şehîdkirina Pêşmergeyan jî Yawer got ew lêkolînan dikin ku nasnameya wan Pêşmergeyan zelal bikin.

Yawer got; ”Em pabendê rêkeftinên hevpeymaniya li dijî DAIŞ’ê ne. Emê bi tune kirin û jinavbirina terorê, tola şehîdên xwe bistînin.”

Piştî belavbûna dîmenên şehîd kirina Pêşmergeyan xelk ji hikûmeta herêmê dixwaze ku tola wan bistîne û dîlên DAIŞ’ê îdam bike.

Basnews