Di encama operasyona esmanî ya firokeyên Hevpeymanan de li nevçeya Hewîce û bajarokê Reşad a Kerkûkê 21 çekdarên rêxistina DAIŞ’ê hatine kuştin.

Operasyonên esmanî yên firokeyên şer ên Hevpeymanan a li dijî baregahên rêxistina DAIŞ’ê berdewam dikin. Li gor agahiyên ku BasNews ji çavkaniya ji hêza Pêşemerge li Kerkûkê wergirtine, firokeyan doh li navçeya Hewîce û bajarokê Reşad a başûrê Kerkûkê, çend baregahên DAIŞ’ê kirin amanc.

Hate gotin ku di encama operasyonê de kogehek çekan û otomobîlên leşkerî yên rêxistina DAIŞ’ê jî ketiye ber bombebaranê.

Çavkaniyê diyarkir ku di encama vê operasyonê de 21 çekdarên vê rêxistinê hatine kuştin.

Basnews