Aloziya li Tirkiyê derbasî nav Kurd û Tirkên Almanyayê jî bû. Duh li Berlînê piştî xwenîşandaneke ya kurdan, alozî û pevçûn di navbera beşdarên xwepêşandarên kurdan û komeke tirkan de derket.

Xwepêşandan ji aliyê Partiya Demokratîk Gelan (HDP) ve hatibû organîzekirin û armanc şermezarkirina aloziya li Tirkiyê û Bakurê Kurdistanê bû.

Li gor polîsên alman, derdora hezar kesî tevlî xwepêşandanê bûn û hêj di dema meşê de hinek tirkên ji çalakiyê aciz hewl didan aloziyê derxînin.

Piştî xwepêşandanê saetekê, çalakî di seet 19:20 de qediya, lê konvoyeke ji 30-40 otomobîlan hatin cihê çalakiye û alên Tirkiyê hejandin.

Pistî şerê devkî di navbera kurdan û şoferên tirk yên otomobîlan de, xwepêşandarên kurd şûşe avêtin otomobîlan.

Bi destwerdana polîsan alozî bi dawî bû.

Li gor polîsan, kesek birîndar nehat tomatkirin û kesek jî nehat binçavkirin. Lê polîsan ji ber têkbirina ewlekariyê dest bi lêkolînan kiriye.

Heryekî ji serokên Civaka Tirk li Almanyaye û Civaka Kurd li Almanyaye Gokay Sofuoglu û Elî Ertan Toprak bûyer şermezar kirin û banga aramiyê li kurd û tirkên li Almanyayê kirin.

Rudaw