Birîtanya û Fransayê biryar dan ku hejmareke zêde ya koçberan werbigrin. Li gor agahiyan, Fransa dê 24 hezar koçber û Birîtanya dê 20 hezar koçberan bihewîne.


Serokwezîrê Birîtanya David Cameron di vê bareyê de ragihand, welatê wî berpirsatiya exlaqî li ser milê xwe qebûl dike û dê beşek ji wan koçberên sûrî werbigre ku ji ber şerê li Sûriyeyê berê xwe dane Ewropayê.

Cameron herwiha amaje bi wê yekê jî kir, di heyama 5 salên dahatî de Birîtanya dê 20 hezar koçberên sûrî werbigre.

Herwiha hikûmeta Birîtanyayê biryar da ku bûdceyek taybet bo alîkariyên derve û bo koçberan terxan bike.

Her derbarê kirîza koçberiyê û wergirtina koçberên sûrî yên ku berê xwe didin Ewropayê, Fransayê jî biryar da ku berdewam be li ser pêşkêşkirina alîkariyan bi wan û herwiha hejmarek ji wan jî werbigre û li ser axa xwe bihewîne.

Hikûmeta Fransayê herwiha ragihand, dê di navbera 2 salên dahatî de 24 hezar koçberan werbigre.