Serokwezîrê niha yê Tirkiyê Receb Teyib Erdogan bi awayekî fermî ji aliyê partiya xwe ve Partiya Dad û Geşepêdanê (AKP) ji bo serokomariya Tirkiyê hat namzedkirin.


Di civîna xwe ya îro de, AKPê Erdogan wek namzedê xwe di hilbijartinên serokomariya Tirkiyê de destnîşan kir.


Berî niha CHP û MHPê namzedê xwe ji bo serokomariyê destnîşan kirin ku ew jî Akmelidîn Ihsanoglu ye.


Herwiha namzedê HDPê ji bo heman postê Selahedîn Demîrtaş e .


Biryar e hilbijartinên serokomariya Tirkiyê di 10ê tebaxê de bên kirin.


Li gor rapirsiyên herî dawî, tê pêşbînîkirina Erdogan di gera yekem a hilbijartinê de 50-54% ji dengan bi dest bixe.

Rudaw