Ji ber bombarana çekdarên DAIŞê di roja pêncşembîya borî de ya bo ser qezaya Hemdanîye û bajarookê Bertile yên ser bi parêzgeha Mûsilê ve nêzîkî 350 malbatên mesîhîyên ewan nawçeyan awareyê qezaya Akrê ya Herêma Kurdistanê bûn.


Hefteya borî li qezaya Qereqoş û bajarokê Bertile şer û pevçûn di navbera çekdarên DAIŞê û hêzên Pêşmerge de çêbû û di encam de hejmarek ji mesîhîyên mawçeyê, mal û halên xwe bi cih hêlan û berê xwe dane Herêma Kurdistanê û beşek ji wan li bajarokê Akrê hatin bicihkirin.

Cewher Elî Ezîz qayimmeqamê qezaya Akrê di evê bareyê de ji PNA re ragihand: ´´ piştî bombarana qezaya Hemdanîye û bajarokê Bertile di roja pêncşembîyê de ji alîyê çekdarên DAIŞê ve nêzîkî 350 malbatên mesîhî berê xwe dane Akrê û li gundê Nihava û Bane Sor bi cih bûn û beşek ji wan jî di malên xizmên xwe de û beşek jî di qotabxaneya gund de hatin bichihkirin.´´

Qayimmeqamê qezaya Akrê herwiha ragihand, ku îro wan bi hevkarî û hemahengîya rêkxistinên navxweyî û biyanî kelûpelên nav mal bi ser hemû ewan awareyan de dabeş kirine.