Serokwezîrê Iraqê Nûrî Malikî diyar kir ku yekîtiya xaka Iraqê di bin metirsiyê de ye.


Malikî di gotara xwe ya heftane de bêy ku bi navê nav bike, êrîşî Herêma Kurdistanê û serkirdeyên Kurd kir. Malikî derbarê vê yekê de got ku “serkirdeyên terorîstan bajarekî Iraqê ji xwe re kirine navend û li wir pilanên êrîşên xwe li dijî bajar û bajarokên Iraqê datînin”.


Derbarê daxuyaniyên serokê Herêma Kurdistanê Mesûd Barzanî de ku behsa qonaxa berî kontrolkirina Mûsilê ji aliyê DAÎŞê û piştî ku bajarê ket bin destê çekdarên wê rêxistina radîkal de dike, Malikî got ku “hinek kes bi şaştî behsa qonaxa Mûsil û piştî Mûsilê dikin”.

Rudaw