Di meha rojiyê (Remezanê) de mirovê rojiyê digire zêdetir tînî dibe, bi taybet îsal ku rojî dikeve çileya havînê de û li hin navçeyan pileya germê digihêje 45.

Ji bo ku kesê rojiyê digire tînî nebe divê dema bi fitare haya wî ji xawrina xwe hebe.

Laşê mirov di nîva duyem a rojê de hemû ava xwe ji dest dide, lewra divê mirov zêdetir xwarina tije av bixwe bi awayekî ku bikaribe av têra laşê wî bike û wî bigihîne dema fitarê.

Mirovê rojiyê digire divê ji dema fitarê heta paşîvê 1 lîtir heta 1.5 lîtir av vexwe.

Herwiha pêwîste dike ku xawarina şil bixwe û ya herî girîng şînî, şorbe û şerbeta mêweyên siruştî ye.

Ya baş ewe ku mirovê rojiyê digire şînî û mêweyên taze bi şevê yan jî di paşîvê de bixwe, ji ber ew tê avin û wê nehêle tu tînî bibe.

Di rojiyê de ji van xwarinan dûr bikeve

Xwarinên şor û tije beharat dihêle ku laşê mirov bêtir avê bixwaze, lewra pêwîste di rojiyê de mirov xwê û beharatan kêm bi kar bîne û li şûna wan hinek leymon bi kar bîne.

Tiştekî din ê girîng ji bo mirovê rojiyê digire, paşîva xwe dereng bixwe û selade û şerbetên siruştî jî zêde bixwe.

Rudaw