Komelgeheke taybet bo konsolxaneyan li Hewlêra paytexta Herêma Kurdistanê tê vekirin û hemû konsolxaneyên welatên biyanî bo wê komelgehê tên veguhestin.

Niha 30 konsolxaneyên welatên biyanî li Herêma Kurdistanê hene û di çend rojên borî de berpirsên Herêma Kurdistanê eşkere kirine ku dê Çîn jî konsolxaneya xwe li Kurdistanê veke. Heta niha beşek ji xebatên komelgehê bi dawî bûne û dikeve ser rêya Selahedîn-Hewlêrê.

Di vê derbarê de Berpirsê Fermangeha Peywendiyên Derve ya Herêma Kurdistanê Felah Mistefa got: ‘‘Komelgeha dîplomasî ciheke ji bo komkirina hemû konsolxaneyên li bajarê Hewlêrê. Nûnerên welatan ji me xwestin ku cihekî taybet bo wan diyar bikin û hikûmeta herêmê jî bi dilxweşî cîhek bo wan diyar kiriye.’‘

BasNews