Hevserokê HDP’ê Ertugrul Kurkçu ragehand ku di mesela tevlîbûna BDP’ê bo nav HDP’ê de herdu partiyan lihev kirine û wê di demeke herî nêzîk de evna pêk were. Kurkçu îdîa kir ku HDP di vê pêvajoya nûde hemû Tirkiye û cihanê eleqedar dike û got: “Emê bibin bijarteya hemû civakê ya dahatû. Di vê mijarê de em gihan fikrekî hevbeş. Em pêngaveke dîrokî diavêjin.”

Parlementerên BDP û HDP’ê derbarê tevlîbûna BDP’ê bo nav HDP’ê li navenda Giştî ya BDP’ê hatin ba hev. Di civînê de ku pêşketinên dawî jî hatin gotûbêjkirin, Serokwekîlên Koma BDP’ê Perwîn Buldan û Idrîs Balukan, Hevserokên HDP’ê Sebahat Tuncel û Ertugrul Kurkçu jî tevlî bûn.

Piştî civînê Hevserokê Giştî yê HDP’ê Ertugrul Kurkçu di civîneke çapemeniyê de da zanîn ku wê di parlamentoyê de koma HDP’ê çêbikin û wiha axifî: ‘’Evna mijareke ku demeke dirêj e tê nîqaş kirin û me pêngaveke nû avêtiye.‘‘

Li gor ANF’ê Kurkçu diyar kir ku BDP wek pêkhateyeke HDP’ê wê pêvajoya xwe ji nû de bişêwe bike û got: “Hedef li gor girseya me bi şêwebûneke nû û pêvajoyeke nû ya damezrandinê emê bijîn. Koma HDP’ê wê tenê bi koma meclisê re nemîne, pêvajoyeke ku dahatûya Tirkiyê li xwe digire. Emê bibine bijarteya hemû civakê ya dahatûyê.”

BasNews