Rûdaw pêkhateya kabîneya nû ya Hikûmeta Herêma Kurdistanê aşkere dike
Li gor zaniyariyên ku ketine destê Tora Medyayî ya Rûdawê, her pênc partiyên serekî yên Herêma Kurdistanê yên ku di hilbijartinên havîna par a Parlamentoya Kurdistanê de biser keftine, wê beşdarî kabîneya heştem a hikûmeta Herêma Kurdistanê bikin.
Parvekirina wezaretan di navbera her pênc aliyan de bi vî awayî ye:
Tevgera Gorran: Wezareta Darayî, Wezareta Pêşmerge, Wezareta Ewqaf û Wezareta Bazirganî û Pîşesazî,
Komela Îslamî ya Kurdistanê: Wezareta Çandiniyê û Wezîrekî Herêmê,
Yekîtiya Niştimanî ya Kurdistanê (YNK): Cîgirê Serokwezîr, Wezareta Rewşenbîrî, Wezareta Avakirinê, Wezareta Xwendina Bilind û Wezareta Tenduristiyê,
Yekgirtûya Îslamî ya Kurdistanê: Wezareta ElektIrîkê, Wezareta Karûbarên Civakî û Wezîrê Hemahengiya di navbera Encûmena Wezîran û Parlamentoyê de,
Partiya Demokrat a Kurdistanê (PDK): Wezareta Navxwe, Wezareta Samanên Siruştî, Wezareta Pilandanînê, Wezareta Perwerde û Wezareta Şaredariyê,
Herwiha Wezareta Dadê dê ji pêkhateya Tirkmanî re be û Wezareta Veguhestin û Gihandinê jî wê ji pêkhateya Aşûrî-Kildanî-Suryanî re be.
Li gor zaniyariyên Tora Medyayî ya Rûdawê, dê hewl bê dayîn ku Parlamentoya Kurdistanê zû bicive ku serokê wê ji Tevgera Gorran û cîgirê wê ji PDKê be.
Rûdaw
