Wezîrê Karên Hundir ê Îtalyayê Angelino Alfano da xuyakirin ku di nava 48 demjimêrên dawî de 4 hezar, ji destpêka salê û vir ve jî 15 hezar koçber bi rêya deryayê xwe gihandine peravên Îtalyayê.

Wezîr Alfano di da xuyaniya xwe ya ji bo radyoya dewletê Raio Uno de diyar kir ku herikîna koçberan ber bi Îtalyayê ve nesekiniye û destnîşan kir ku rewş hîn bêtir cidî bûye.

Wezîr anî ziman ku di rewşa heyî de ji bo rizgarkirina du keştiyên tê de 300 û 361 koçber hene, xebat tên birêve birin û ragihand ku di van keştiyan de herî kêm cenazeyek heye.

Wezîr da zanîn ku di nava 48 saetan de nêzî 4 hezar koçber gihaştine peravên Îtalyayê û hejmara koçberên ji destpêka salê ve hatiye 15 hezar derbas kiriye.

Wezîr Alfano da xuyakirin ku Îtalya di bin zexta pêleke xurt a koçberiyê de ye ku ji aliyê Lîbyayê ve tê û got, "300 hezar heta 600 hezar koçber li benda çûyîna Ewropayê ne. û divê Ewropa dest biavêje vê rewşê."

PUKmeida / Ajans