Doh roja pênçşem 03.04.2014 li Selahedîn birêz Mesûd Barzanî Serokê Herêma Kurdistanê pêşwaziya şanda nûnerên beşdarbûyên Konferansa Zanîngeha Selahedîn kir ku ji nûnerên Ezher û Dêra(Kinîse) Katolîk û hejmarek ji kesayetiyên olî û akademiyên cîhanî û Erebî pêkhatibûn.

Li hevdîtinê de şanda mîhvan ji bo rexsandina vê hevdîtinê spasiya Serok Barzanî kir û bi kurtî kar û çalakiyên konferansê bi Serok Barzanî re ragihandin ku taybet bû ji bo lêborînî û pêkvejiyana olî û pêkhatên cûda cûda û dijayetîkirina tundutîjiyê. Her li vê hevdîtinê de şanda mîhvan sersûrmaniya xwe bi ezmûna Herêma Kurdistanê yên li warê pêkvejiyana rasteqîneya pêkhat û netewe û oliyên Kurdistanê de nîşanda.

Li beranberda Serok Barzanî bi germî bi xêrhatina şanda mîhvanan kir û hêviya serkeftinê ji bo wan xwest û ragihand ku guherîna dîtin û nêrînê di navbera gelan babetekî gelek erênî ye û me pêwîstî bi hevdû heye û divê li hevdû têgihiştina li navbera gelan da hebê. Her wiha Serok Barzanî bi kurtî behsa dîroka pêkvejiyan û lêborîniya gelê Kurd ya li gel netewe û pêkhatên dinê Iraqê xisterû û balkişand li ser wê yekê ku gelê Kurd li xebata xwe da destê xwe ji bo tolhildan û înkarkirina beranberê xwe nebiriye û hewl daye herdem rûpeleke nû li gel netewe û pêkhatên din destpê bike û eve jî li piştî raperîna 1991 û piştî rûxana rejîm ya li sala 2003 bi kirdarî selmand.

Axaftina li ser pêvajoya xeraba siyasî û emniya Iraqê mijareke dinê vê hevdîtinê bû.