Hikûmeta Herêma Kurdistanê bersiva daxuyanîya ´´xwîn li hember xwînê´´ ya Malikî da
Bi daxuyaniyekê ku wêneyek bo PNA hatiye şandin de duh roja duşembîyê Îmad Ehmed, cîgirê serokê hikûmeta Herêma Kurdistanê got: Pêwîste encamderên wê tawanê sizayê qaûnî werbigrin neku Malikî dûr li qanûnê hukim bide û daxwaza kuştinê û xwînriştinê di navbera zaroyên Iraqê de bike û wê rûdanê bike amrazekî şerê hilbijartinê û bie vê yekê vegerînin şerekî netewî.
Îmad Ehmed tekez dike:´´ di demekê de ku alîyên peywendîdarên hikûmeta Iraqê li hember rijîna xwîna hezaran hevwelatîyên Iraqî bi destên terorîstan li nawçeyên cuda cuda dest danîne ser dest û rawestîyane û nikarin ewlehîya xelkê biparêzin, di demekê de dosyayên kuştin û şehdîkirina çendîn rojnamevan û edîb û nivîskar û kesayetîyn navdarên Iraqê bê lêpirsîn her weke xwe mane, di wê demê de bi ser hemû ewan berpirsyarîtîyên qanûnî, siyasî û exlaqî de baz dihê dan û tenê ji ber ewê çendê ku goya kesê berpirs di evê bûyerê de Kurde û ser bi hêzên pasevanîya seroaktya komare, serokwezîr bi xwe serdana cihê bûyerê dike û daxwaza tolhildanê bi xwînê dike, ku eve pêş her tiştekê binpêkirina qanûnê û dezgeha dadwerîya Iraqê ye.´´
Îmad Ehmed di beşekî din de got: Ev daxuyaniya Malikî carek din wê rastiyê dubare dike ku beşek li desthilatdarên Iraqê neku nikarin li gor desturê hukim bikin û bi yek çavî temaşeyî welatiyên Iraqê bikin belku nikarin di rûdaneke bi vî awayî xwe bigrin û rê bidin qanûnê ku karê xwe bike û bi vê yekê carek din niyeta wan beramber bi Kurd û Herêma Kurdistanê aşkira dibe.
Di dawiya daxuyaniyê de Îmad Ehmed got: Hêzên parêzvanên serokkomar roleke giring di parastina ewlekariya beşeke berçav a Bexdadê de hebûne û bi rihekî birayane li gel xelkê Bexdadê tevgeriyane û ev rûdana nexwastî jî li derveyî rênemayên hêzên parêzaniya serokkomar rû daye. Mafê kesî nîne ku evê bûyerê ji qebareya xwe mezintir bike û şikestinên xwe bi vê rûdanê veşêre, ji ber ku piştî bûyerê, hêzên pasevanên serok komar biryar dane ku kesê berpirs di bûyerê de radestî qanûnê bihê kirin.
