Wezîrê enerjî yê Tirkiyeyê dibêje sibê her du Serokwezîrê Tirkiye û Kurdistanê dicivin.

Îro wezîrê enerjî û çavkaniyên xwezayî yê Tirkiyeyê Taner Yildiz ragehand ku roja Şemî li Enqereyê Serokwezîrê Tirkiyeyê Receb Teyib Erdogan pêşwaziya Serokwezîrê Kurdistanê Nêçîrvan Barzanî dike.

Taner Yildiz herwiha diyar kir ku roja Şemî Serokwezîrê Kurdistanê serdana bajarê Vanê dike û li wir ligel wezîrê derve yê Tirkiyeyê dicive û pişt re jî serdana Enqereyê dike û li gel Serokwezîrê Tirkiyeyê dicive.

Yildiz eşkere kir ku di civînên han de peywendiyên heyî yên di navbera her du aliyan û çendîn babet û mijarên din yên rojeva deverê jî tên giftûgo kirin.