Cîgirê Serokwezîrê İraqê bo Karûbarê Enerjiyê Husên Şehristanî careke din ragehand ku ligel Herêma Kurdistanê lihev kirine ku bi rêya Şirketa SOMO petrolê bişîne derve, lê heta niha berpirsên hikûmeta Kurdistanê evna piştrast nekirine.

Berî niha jî Şehristanî gotibû ku ligel Herêma Kurdistanê gehiştine rêkeftinê bo şandina petrola herêmê bi rêya Şirketa SOMO ya İraqê, lê belê Berdevkê Hikûmeta Herêma Kurdistanê Sefîn Dizeyî red kiribû.

Şehristanî careke din derbarê mijarê de daxwiyanî da Sumeriye News û tekez kir ku ligel Herêma Kurdistanê gotûbêj kirine û gehiştine rêkeftinê daku Herêma Kurdistanê bi rêya Şirketa Niştimanî ya Petrola İraqê (SOMO) petrolê bişîne bazarên cîhanê.

BasNewsê derbarê mijarê de çendîn car xwest xwe bighîne Berdevkê Hikûmeta Herêma Kurdistanê Sefîn Dizeyî ka tiştekî wiha heye yan na lê belê nikarî xwe bigihêniyê.

Basnews