Serokê Sûriyê Beşar ku welatê wî ji ber şerê navxweyî wêran bûye, piştgirî da siyaseta Rûsya li Ukraynayê.

Li gor rûpela fermî ya Serokatiya Sûriyê li ser Facebookê, Beşar Esed nameyek ji serokê Rûsya Vladimir Putin re şand û tê de piştgiriya xwe ji bo hewlên Putin li Ukraynayê anî ziman.

Esed di peyama xwe de got ku “ew piştgiriya wan hewlên Putin dike ku ji bo vegerandina ewlekariyê li Ukraynayê û li dijî derbeya li wî welatî dide”.

Beşar Esed ku heta niha zêdetirî 135 hezar kes li wî welatî ji ber şer hatine kuştin, diyar kir ku “siyaseta Putin a ku li ser bingiha armancên Neteweyên Yekbûyî tê avakirin, ji bo hemû gelên cîhanê gerentiyeke”.

Esed di wê baweriyê de bû ku “Putin dê bikaribe aramî û şeriyetê vegerîne Ukrayna”.

Beşar Esed ku dixwaze îsal jî xwe ji bo serokatiya Sûriyê kandîd bike, got “helwesta Rûsya ya ku piştgiriya heqî û rasiyê dike dê kar ji bo avakirina paşeroja ku hemû gelên cîhanê dixwaze bike”.
Şîrove

Rudaw