Li dor wê nûçeyê ya ku, di hindek kanalên mediyayê de hatibû weşandin qaşo boriyeke neftê a biqacaxbirina neftê bo Tirkiyeyê li devera Hekarî hatiye dîtin, Sefîn Dizeyî peyvdarê hikûmeta herêma Kurdistanê ew nûçeye red kir û got ku, tu esas ji bo wê nûçeyî nîne û hikûmeta herêma Kurdistanê bi tu awayî rê ji karekî wisa re nade.

Dizeyî ji malpera fermiya hikûmeta herêma Kurdistanê re got:

- Piştî çend cavkaniyan û dezgehên ragehandinê nûçeyek weşandî ku, qaşo boriyeke biqacaxbirina neftê di devera Hekarî li ser tixûbê navbera herêma Kurdistan û Tirkiyeyê hatiye dîtin, hikûmeta herêma Kurdistanê bi lezgînî dest bi lêkolînê kir û dûvçûn dest pê kir, hikûmeta Kurdistanê gehişte wê encamê ku, ew nûşeye ji rastiyê dûr e, çunkî devera Hekarî devereke çiyaî ye û tu bîrên neftê jî lê wê deverê nîn in. Gelê bi boriyeke 500 metrî dê nef ji kû derê bigehe kû derê¬?

Peyvdarê hikûmeta herêma Kurdistanê got jî ku, hikûmeta herêma Kurdistanê bi tu awayî rê nade karekî bi wî awayî bê encam dan û hemû ew pirsên peywendî bi neftê û hinartina neftê ve hebin divê bi awayekî şefaf û li gor mafên destûrî bin û rêkeftin digel hikûmeta fedrel bi rêya danûstandinan be:

- Em hemû agvên bi wî awayê, biqecaxhinartina neftê, red dikin. Tişta ku heye boriya neftê a nevbera herêma Kurdistanê û Tirkiyeyê ye bi agadriya hemû aliyan e û heta nuha yek bermîla neftê bi rêya wê boriyê nehatiye firotin.