Serokwezîrê Kurdistanê digeê şandeya wezareta derveya Fransayê civiya
Nêçîrvan Barzanî serokê hikûmeta herêma Kurdistanê, duhî roja sêşemiyê 25.02.2014ê li bajarê Hewlêrê pêşwazî li Jon Franswa Jîro rêvebirê karûbarên bakurê Afrîqîya û Rojhilata Navîn li wezareta derve ya Fransayê û şandeya pê re kir.
Di civînekê de ku, Alan Gêpart konsulê giştiyê Fransayê yê herêma Kurdistanê jî amade bû, pêşhatên herêmî bi giştî û pêşhatên Suriyê bi tyabetî ku, ji ber kirîza Suriyê bi milyonan hevwelatiyên sivîl yên wî welatê cî û warên xwe bi cî hêlane û li dewletên cîran weke penaber akincî bûne, gotûbêj kirin. Behsa rewşa penaberên surî yên li herêma Kurdistanê hat kirin û şandeya wezareta derve ya Fransayê rola hikûmeta herêma Kurdistanê di warê hewandin û alîkarîkirina penaberan de bilind nirxand.
Rewşa Îraqê û pirsgirêkên navbera Hewlêr û Bexdayê û danûstandinên navbera herêma Kurdistan û hikûmeta federal a Îraqê ji bona çareserkirina wan pirsgirêkan mijarên din yên civînê bûn û di vê çarçoevyê de Nêçîrvan Barzanî serokwezîrê Kurdistanê tekîd li ser çareserkirina hemû pirsgirêkan bi rêya diyalogê kir û got ku, birîna budceyeyê û meaşê karmendên hikûmeta herêma Kurdistanê ji aliyê hikûmeta Îraqê ve, bi tu awayî ev pirs nakeve rojeva dandûstandinên navbera Hewlêr û Bexdayê.
Her du alî di wê bawerîyê de bûn ku, têkeliyên Kurdistan û Fransayê di qonaxeke baş de ne û tekîd li ser zêdetir pêşxsitina wan têkeliyan kir.
