Piştî ku di rojên borî de çend erdhej li bajarokê Pênciwênê yê girêdayî parêzgeha Silêmaniyê pêk hatin, îro sibehê û şeva borî jî Pênciwên car din hejiya.

Rêveberê keşnasî û erdehjan ê parêzgeha Silêmaniyê Dara Hesen di daxuyaniyekê de ragihand ku şeva borî û îro sibehê 3 erdhej li bajarokê Pênciwênê pêk hatin.

Hesen diyar kir ku erdheja yekem saet 9.06 deqeyê şevê (bi dema Hewlêrê) bi tundiya 3.1, erdheja duyem saet 1.38 deqeyê şevê û ya sêyem îro sibehê saet 9.05 bi tundiya 3.3 pêk hatin.

Li aliyê din rêveberê keşnasî û erdehjan ê parêzgeha Silêmaniyê ragihand ku sibê dê pêleke baran barînê ber bi navçeyên Herêma Kurdistanê bê û dê 2 rojan bidome.

Rudaw