Li Bakurê Kurdistanê digel qedexeyên li ser zimanê kurdî, Partiya Aştî û Demokrasiyê (BDP) û partiyên din pankart, afîş û belavokên xwe ligel tirkî bi kurdî jî amade kirine. BDPê îsal jî ligel tirkî dîsa zimanê kurdî bikaranî.

Li Amedê piştî BDPê, Partiya Dad û Geşepêdanê (AKP) jî dest bi propagendaya bi kurdî kir. Li gelek kuçe û kolanên sereke yên Amedê AKPê bi zaravayê kurmancî û zazakî pankart û afîş daliqandin.

Afîşên berê yên tirkî ku li ber avahiya AKPê Amedê bûn hatin rakirin û di şûna wan de afîşên bi kurdî û tirkî hatin daliqandin.

Namzetên AKPê yên şaredariyan Galîp Ensarîoglu û Sebgetullah Seydaoglu jî afîşên xwe bi kurdî amade kirin.

Cara yekemîn e ku piştî BDPê, AKPê jî di hilbijartinan de propaganda û danasîna xwe bi kurdî dike.

Rudaw