Peyvdarê PDKê dibêje balê tundrew yê PKKê rastiyan beruvajî dike.

Peyvdarê partiya demokrata Kurdistanê di daxuyaniyekî de ragehand ku ev demeke balê tundrew yê PKKê bi awayekî nerast êrîşan dike û hewl bo dide rastiyan bi awayeke din nîşanî xelk bide.

Peyvarê PDKê eşkere kiriye ku derbarê rewşa Rojawayê Kurdistanê û herwiha derbarê kongreya netewî ya Kurd de bi awayekî bê bingeh û bê wate êrîşî PDKê dike. Ew di demekî deye ku partiya demokrata Kurdistanê çi derbarê rewşa Rojawayê Kurdistanê de çê jî derbarê kongreya netewî ya Kurd de xwedan helwesteke netewî û nîştimanperwerane ye.

Partiya demokrata Kurdistanê her ji destpêka destpê kirina rûdawên Sûriyayê heta niha li hember doza gelê Kurd li Rojawayê Kurdistanê û li tevahiya parçeyên din yên Kurdistanê de xwedan helwesteke netewî bûye û li ser helwesta xwe berdewam dibe.

Derbarê piştgîrî kirina qonaxa çareser kirina pirsa Kurd li Bakûrê Kurdistanê de jî partiya demokrata Kurdistanê heman helwesta xwe ya netewî raber kiriye û heta dawî pişgîriya çareser kirina aştiyane ya pirsa Kurd li Bakûr, Rojawa û Rojhilatê Kurdistanê de dike.