Berovajî bûyerên ku li navçeyên din ên seranserê Sûriyê çêdibin, doh (18.02.2014) li gundên Bibla û Bêt Sehim ên derdora bajarê Şamê, agirbest di navbera hêzên rejîmê û grûbên ser bi Artêşa Azad a Sûriyê de hat kirin.

Ev cara yekem e ku rêkeftin û agirbest di navbera hêzên rejîmê û grûbên mixalefeta Sûriyê de tê kirin.Li gorî ku hatiye ragihandin, her du aliyan li ser 8 xalan lihev kirine:

-Radestkirina çekên giran ên di dest çekdarên mixalefetê de.

-Çekdarên mixalefetê azad in di liv û tevgera xwe de.

-Danîn xaleke pişkinînê li destpêka gundê Bibla, ku ji çekdarên mixalefetê û hêzên rejîmê pêk bê.

-Çênabe hêzên rejîmê derbasî her du bajaran bibin.

-Vegerandina derbaskirina avê û elektrîkê bo her du gundan.

-Ragihandina agirbestê di navbera her du aliyan de.

-Vekrina rêyên di navbera her du deveran de bo derbas kirina alîkariyên cor bi cor.

-Vekirina deriyê Bibla bo asankariya çûna malbatan bo nav Şamê.

Basnews