Cîgirserokê Koma BDPyê Îdris Balûken digel serokê giştî ya partiya xwe Meral Daniş Beştaş re li parlementoyê civîn li dar xist û da zanîn ku, ewê di rojên dahatî de nêrînên BDPyê yên der barê Pakêta Demokratîkbûnê de wekî dosyeyekê bidin hikûmetê.

Balûken diyar kir ku Turkiye encax dema ku bi awayekî lezgîn pêngavên demokratîkbûnê bavêje dê bikaribe ji vê aloziya siyasî rizgar bibe û got: ji 17ê Kanûna paşîn heya niha 3 pirsgirêkên girîng yên wekî "gendelî, saziyên parelel û kêmasiya demokrasî û azadiyan" heye.

Balûken aşkere kir ku, di civakê de derbarê pêvajoya çareseriyê hêvî çêbûbûne û ewlehî çêbibû, lê belê helwesta ku hikûmet nîşan dide zirarê li ser pêvajoya çareseriyê kir.

Ji ber helwesta hikûmetê me nekarî ku ji qonaxa diyalogê derbasî qonaxa muzakere û çareseriyê bibin, eger pêngavên demokratîkbûnê neyên avêtin, di rojên pêşiya me de aloziya siyasî ya li welêt dê mezintir bibe û Balûken têkest kir ku, rêya rizgariyê tenê di berfirehkirina demokrasî û azadiyê de ye.

Xendan