Di çarçoveya Korbenda Aborî ya Cîhanî (Foruma Davos) Serokê Partiya Nehze ya Îslamî ya Tunisê Raşid Xenûşî ji Serokê Herêma Kurdistanê re Mesûd Baranî re got ku ew dixwaze serdana Herêma Kurdistanê bike.

Serokê Herêma Kurdistanê Mesûd Barzanî li Davosê tevlî Foruma Davosê kir û li wir ligel berprisên çend welat û komaniyên cîhanî civiya.

Yek ji wan civînên Barzanî, ligel Serokê Partiya Nehze ya Îslamî ya Tunisê Raşid Xenûşî bû.

Partiya Nehze piştî şoreşa Tunisê û dûrxistina Zeyinulabidîn Bin Elî li ser dika desthilatê, di rêya hilbijartinan re hikûmeteke nû ava kir.

Li gor daxuyaniya Serokatiya Herêma Kurdistanê, Barzanî û Xenûşî behsa rewşa Tunis û Iraqê kirin. Herwiha Xenûşî xwest ku serdana Herêma Kurdistanê bike û Barzanî jî gotiye ku ew dê bi kêfxweşî li Kurdistanê pêşwaziya wî bikin.

Rudaw