Cîgirê Serokê Amerîkayê Joe Biden di peywendiyeke telefonî de ligel Serokwezîrê İraqê Nûrî Malikî daxwaz jê kir ku ligel Hewlêrê bigihin rêkeftinekê.

Derbarê vê peywendiya telefonî de Koşka Spî beyannameyeke belav kir û têde wiha tê gotin: ‘’Joe Biden, Malikî teşwîq kiriye daku derbarê petrolê de ligel Herêma Kurdistanê bigihin rêkeftineke cihê razîbûna herdu aliyan.’‘

Ev peywendiya telefonê di demekê de ye ku biryar e îro şandeke bilind a Herêma Kurdistanê bi serokatiya Serokwezîr Nêçîrvan Barzanî serdana Bexdayê bike û ligel Malikî û aliyên peywendîdar ên Bexdayê bicivin.

Li gor agahiyên hatine bidestxistin, mijara serekî ya civînên navbera şanda Kurdistanê û rayedarên hikûmeta Bexdayê çareserkirina pirsa hinardekirina petrola Herêma Kurdistanê ye bo bazarên cîhanê.

Basnews