Hat ragehandin ku ji destpêka krîza Sûriyê ve û heta niha 700 ciwanên Fransî û biyanî ji wî welatê bi navê cîhadê çûne Sûriyê û tevî grubên radîkal ên Îslamî bûne.

Di vê derbarê de Serokê Fransayê François Hollande di civîneke çapemeniyê de eşkere kir ku hejmareke zêde ji Fransayê bi navê cîhadê çûne Sûriyê û vêna jî ew nîgeran kirine.

Hollande got: ‘’Heta niha 700 kes ji welatê me çûne, evna jî hejmareke zêde ye, divê em ciwanên xwe agahdar bikin daku ji karên wiha dûr bikevin û hemû toreke terorê li Fransayê jinav bibin.’‘

Li gor ajansên nûçeyan ên Fransî, heta niha 20 Fransî li Sûriyê hatine kuştin, du ji wan kesan bira ne û dayîka wan kuştina herduyan dixe stoyê desthiladarên welatê xwe ku nikarîne rê li çûna ciwanan bigirin.

Basnews