Ban Ki Moon serdana Penaberên Rojawayê kir
Di çarçoweya serdana xwe ya bo Îraqê de Duh Ban Ki Moon serdana Hewlêrê kir û ji aliyê Rayedarên Kurdistanê ve hate pêşwazîkirin.
Piştî merasima pêşwaziyê û bêhin wedaneke kurt Ban Ki Moon û heyeta pê re tevî hijmarek ji berpirsên Kurdistanê serdana kempa Penaberên Rojawayê Kurdistanê ya li Kewirguskê kir û ji nêz ve rewşa wan Penaberan bi çavên xwe dît.
Ban Ki Moon piştî gereke kurt di nava kempê de serdana çendîn konên Penaberan kir û ji rewşa wan pirsî.
Pişt re di presskonferansekî de Moon bi zimanê Kurdî spasiya hikûmeta Kurdistanê kir û got: Jiber vekirina deriyên xwe bo Penaberan em spasiya hikûmeta Kurdistanê dikin. Hikûmeta Kurdistanê her çend bo xwe jî hîn jî li gel Îraqê hin kêşe û arîşeyên girîng hene lêbelê kariye bi awayekî gelek baş pêşwaziya wan penaberan bike lewre em weke NY gelek spasiya hikûmeta Kurdistanê dikin.
