Piştî ku hemû lîstên Kurdî li parêzgeha Kerkûkê biryar dabûn ku îro sêşembe di kombûnekê de li ser beşdarîya hevbeş di hilbijartinênn giştîyên Iraqê de rêkbikevin, lê negihîjtine rêkevtinê û Kurd dîsan dê bi lîstên cuda cuda beşdarî di hilbijartinan de bikin.

Şoreş hesen berpirsê ragihandina melbenda Yekgirtûya Îslamîya Kurdistanê li Kerkûkê, di evê bareyê de ji PNA re ragihand, ku îro di kombûna alî û partîyên Kurdî yên bajarê Kerkûkê de ku biryar bû hemû partîyên Kurdî di lîsta Hevpeymanîya Niştîmanîya Kurdistanî de kom bibin û beşdarî di hilbijartinan de bikin, lê bi mixabinî ve alîyên Kurdî rêk nekevtin û biryara evê yekgirtinê hiweşîya bi hinceta ku dem derenge.

Şoreş Hesen got, ku lîstên Kurdî di kombûnê de bas kirine ku nûnerên xwe di lîsta xwe de danîne û nabe ku êdî ew kesekî ji lîsta xwe bikine derê. Di encam de jî dê Kurd bi çend lîstan beşdarî di hilbijartinên giştîyê Iraqê yên bihê de bikin.