Ebdullah Ocalan:Hevdîtinên min bi dewletê re berdewamin
Fatma Ocalan xwîşka rêberê PKKê Ebdullah Ocalan, biraziya wî Dîlek Ocalan, xwasiya girtiyê li Girtîgeha Îmraliyê Cûmalî Karsû Pervîn Odûncû, di roja duşembîyê 23'ê Kanûnê de çûne Girava Îmraliyê û bi malbatê re hevdîtin kirin.
Dîlek Ocalan diyar kir ku, hem ji ber kêmbûna demê hem jî ji ber heyecana hevdîtina destpêkê, gelek pirsên xwestiye bipirse nekarîbû bipirse û anî ziman ku, Ocalan derbarê pêvajoya dewam dike de gotiye: Hevdîtinên me yên bi şandeya dewletê re dewam dikin, hevdîtinên me yên dawî erênî derbas bûne û birêveçûna bi vî rengî ya hevdîtinên me, ji bo niha baş e.
Dîlek Ocalan ragihand ku, wê ji Ocalan re gotiye wêneyên wî hatine weşandin û nêrîna wî li ser wêneyan pirsiye û got: ´´Ocalan got, wêne baş dernekevtine. Herwiha ew wêne ji aliyê hevalên me ve nehatine weşandin.´´
Ocalan derbarê hevdîtinê de ev agahî da: Serok berê amade bû, jixwe dayîka min beriya min pê re rûniştibû, ez jî hatim odeyê û me silav da hev, min yekem car serok dît, lê rewşa tenduristiya wî baş xuya dikir.
Dîlek Ocalan diyar kir ku, dema hevdîtinê destpê kir, ewilî Ocalan dest bi axavtinê kiriye û bîranînên xwe jê re vegotiye û got: ´´Ocalan behsa derkevtina ji malê ya ji bo çûyîna dibistanê kir û got: ´´Min di 8 saliya xwe de yekem car dest bi têkoşînê kir ku di 8 saliya xwe de ji malê veqetiyam, bi tena serê xwe meşiyam, çûbûm Nîzîp`ê û gelekî aciz bibûm.´´
Dîlek Ocalan got:´´ Ocalan piştre temenê min ji min pirs kir û got, Min jî di wî temenî de yanî di 25 saliyê de têkoşîn da destpêkirin û got, Temenê te niha di cih de ye, tu jî dikare xebatê bimeşîne, dikarî xwe beşdar bikî.
Dîlek Ocalan da xuyakirin ku, silavê Ebdullah Ocalan li her kesî hebû û bi taybetî jî silav li jin û zarokan kiriye û di karê wan de serkevtin xwestiye.
